Sigurtà u d-Difiża

Niżguraw l-istabbiltà fil-viċinat tal-UE

Is-Sottokumitat għas-Sigurtà u d-Difiża għandu rwol kruċjali fl-appoġġ tal-Kumitat għall-Affarijiet Barranin dwar kwistjonijiet relatati mal-Politika Estera u ta’ Sigurtà Komuni u l-Politika Ewropea ta’ Sigurtà u ta’ Difiża. Ir-responsabbiltà primarja tiegħu hija li jżomm responsabbli lil dawk li jieħdu d-deċiżjonijiet fil-qasam tas-sigurtà u d-difiża u jikkontribwixxi għaż-żamma tal-paċi u l-istabbiltà fil-Balkani, fil-Kawkasu tan-Nofsinhar, fl-Afrika u fil-Lvant Nofsani.

Dan is-sottokumitat jiffoka primarjament fuq kwistjonijiet militari u ta’ difiża u jaħdem biex iżid il-kooperazzjoni u l-koordinazzjoni fost l-Istati Membri tal-UE biex jintlaħqu l-għanijiet kollettivi tas-sigurtà.

Nipprommwovu Unjoni Ewropea tad-Difiża aktar b’saħħitha

Il-grupp PPE jibqa’ impenjat li jżid is-sigurtà taċ-ċittadini Ewropej billi jagħmel pressjoni għal kooperazzjoni u koordinazzjoni akbar fost l-Istati Membri tal-UE dwar kwistjonijiet ta’ difiża. Nemmnu li Unjoni Ewropea tad-Difiża futura hija l-aħjar mod biex tiġi żgurata azzjoni rapida u deċiżiva f’każ ta’ theddida għas-sigurtà.

Aħna ppromwovejna l-istabbiliment ta’ Unjoni Ewropea tad-Difiża fejn l-Istati Membri jistgħu jallinjaw b’mod strateġiku u jikkondividu fehim komuni tat-theddid biex jiżviluppaw kapaċitajiet konġunti ta’ għarfien tas-sitwazzjoni. Il-grupp PPE jinsisti li l-UE u l-Istati Membri tagħha jridu jżidu l-kapaċitajiet ta’ difiża tagħhom u jieħdu passi konkreti lejn Unjoni tad-Difiża ġenwina. Għal dan l-għan, abbozzajna pjan ta’ azzjoni għall-funzjonament futur tagħha u nkomplu nistinkaw għal pjan direzzjonali b’passi realistiċi u prattiċi lejn l-istabbiliment tagħha. Aħna żgurajna wkoll EUR 500 miljun f’finanzjament mill-UE għar-riċerka konġunta dwar id-difiża.