Għażel pajjiż
Agħżel il-pajjiż tiegħek biex issegwi l-aħbarijiet mill-MPE lokali tiegħek:
Il-pajjiżi ta' hawn taħt ma jippubblikawx kontenut bil-lingwa tiegħek. Agħżel il-pajjiż jekk trid issegwi aħbarijiet bl-Ingliż jew bil-lingwa(i) nazzjonali tagħhom:
Il-Lingwa magħżula: Malti
X'qed tfittex?
Aħna rridu UE fejn iċ-ċittadini jgawdu d-drittijiet fundamentali u fejn is-saltna tad-dritt tkun rispettata. Il-Grupp ta’ Ħidma għall-Intern u l-Affarijiet Legali jiffoka biex jara li dan iseħħ. Il-Grupp ta’ Ħidma jaħdem ukoll fuq temi oħra bħall-immigrazzjoni, l-libertajiet ċivili, l-ugwaljanza tas-sessi, u affarijiet edukattivi, kostituzzjonali u legali.
Il-Grupp tagħna għamel progressi kbar f’numru ta’ oqsma, fosthom is-sigurtà tal-fruntieri biex l-Ewropej ikunu jistgħu jgawdu l-erba’ libertajiet, fil-ġlieda kontra t-terroriżmu u l-frodi, u ż-żieda fil-protezzjoni tal-vittmi. Aħna insistejna għall-ħolqien tal-Gwardja Ewropea tal-Fruntiera u l-Kosta (il-Frontex), mexxejna ‘l quddiem kontrolli elettroniċi taċ-ċittadini kollha li jkunu qed jaqsmu l-fruntieri esterni tal-Ewropa, ġġilidna biex linji tal-ajru jiżvelaw ir-rekords tal-passiġġieri li jkunu qed itiru lejn l-Ewropa, aġġornajna l-qafas legali dwar it-terroriżmu u temmejna l-iffinanzjar elaborattiv għat-terroriżmu.
Illum, qed naħdmu għal approċċ Ewropew komuni dwar l-immigrazzjoni u l-politika tal-ażil. U bi tkabbir ekonomiku li għandu bżonn qafas legali li jassigura il-protezzjoni effettiva tad-drittijiet ta’ proprjetà intellettwali kemm online kif ukoll offline, il-protezzjoni tad-drittijiet tal-proprjetà intellettwali fl-era diġitali wkoll hi fuq l-aġenda tagħna.
Ma jista’ qatt isir pass lura fuq prinċipju bażiku tal-UE bħal-libertà tal-moviment. Flimkien, l-UE u l-Istati Membri għandhom jiġġieldu l-abbużi tal-prinċipju tal-libertà tal-moviment fuq livell nazzjonali u anke Ewropew. Irridu nissimplifikaw u nżidu l-mobbilità tal-ħaddiema Ewropej.
Il-prijoritajiet jibqgħu l-ġlieda għad-drittijiet tan-nisa, inkluż id-differenza fil-pagi u l-ġlieda kontra l-vjolenza domestika. Irridu wkoll nirrispettaw id-drittijiet tat-tfal u nqisu l-aħjar interess tagħhom.
L-Istati Membri kollha għandhom jiggarantixxu d-drittijiet ta’ persuni li huma membri ta’ minoritajiet nazzjonali jew gruppi ta’ lingwa.
L-Ewropa għandha toffri protezzjoni lir-refuġjati politiċi u dawk li qed jaħarbu minn gwerer ċivili. Biex tilqa’ għar-responsabbiltà umanitarja, l-UE għandha tistabbilixxi sistema ta’ ażil komuni filwaqt li l-Istati Membri għandhom jimplimentaw ir-regoli diġà eżistenti.
L-Ewropa għandha bżonn politika komuni dwar l-ażil u l-immigrazzjoni fejn l-Istati Membri jistgħu jiprijoritizzaw l-aċċess taċ-ċittadini tal-UE għas-swieq tax-xogħol, iżda fl-istess ħin iżidu l-iżvilupp u l-għajnuna umanitarja.
L-UE ma tistax tittollera frodi soċjali. Filwaqt li nirrispettaw l-immigrazzjoni legali fis-suq tax-xogħol, irridu nindirizzaw l-abbużi u nagħmlu differenza bejn refuġjati u immigranti ekonomiċi. L-Istati Membri għandhom jibgħatu lura immigranti ekonomiċi li qed jgħixu llegalment lejn il-pajjiż ta’ oriġini, skont il-liġi internazzjonali u dik tal-UE.
Il-ġlieda kontra l-kriminalità organizzata, l-korruzzjoni u l-organizzazzjonijiet terroristiċi tibqa’ prijorità għall-UE, bħalma hi l-ġlieda kontra t-traffikar tan-nies. Billi pajjiżi żgħar u pajjiżi u mal-kosta Ewropea jiffaċċjaw sfidi speċifiċi ħafna dwar l-immigrazzjoni, irridu ntemmu darba għal dejjem il-kriminalità organizzata u t-traffikar tan-nies biex nevitaw traġedji.
Irridu nagħmlu l-fruntieri Ewropej aktar siguri. Aħna nemmnu li Ewropew għandha żżid ir-riżorsi finanzjarji, umani u tekniċi filwaqt li ssaħħaħ ir-rwol u l-prerogattivi tal-aġenzija li tipproteġi l-fruntieri.
L-Ewropa għandha bżonn ukoll strateġija għas-sigurtà ċibernetika u kontra ċ-ċiberkriminalità. L-Istati Membri għandhom isaħħu l-koperazzjoni mal-pulizija u l-ġustizzja biex jiġġieldu l-kriminalità kemm online kif ukoll offline.
Kap tal-Grupp ta' Ħidma dwar l-Affarijiet Legali u Interni
Press Officer for Legal and Home Affairs Working Group, Civil Liberties, Justice and Home Affairs Committee. National press, Greek Media
Press Officer for Legal and Home Affairs Working Group and Civil Liberties, Justice and Home Affairs Committee. National press, Swedish Media. Adviser for Iraq Delegation
1 / 3