Nsaħħu Idejn il-Poplu favur Tmexxija Tajba u kontra l-Korruzzjoni – MEP Peter Agius

“Irridu insaħħu idejn il-Poplu favur Tmexxija Tajba u kontra l-Korruzzjoni”. Qal dan il-Membru Parlamentari Ewropej Peter Agius fl-ewwel diskors tiegħu bħala MEP waqt il-plenarja fi Strasburgu it-Tnejn filgħaxija.

Dr. Peter Agius tkellem dwar kif f’Malta, il-korruzzjoni qatlet lill-ġurnalista Daphne Caruana Galizia iżda għad hawn mingħalih jista’ jitfi l-vuċijiet ta’ min jisfida. “Qatluha biex jaħbu l-verita’ – u llum wara 7 snin mid-delitt - qisu ġie u għadda, u l-Gvern baqa’ jaħdem kif kien”, qal Dr. Agius. L-MEP  Agius qal li saret Inkjesta Pubblika li sejħet għal bidliet radikali iżda l-Gvern ħalliha fuq l-ixkaffa.

“Pero ara ma taħsbux li ser jirbħu!! ... Daphne ħalliet ħafna eredi – kuljum... ġurnalisti u NGOs qalbiena jaffrontaw il-poter u l-flus biex jikfu l-korruzzjoni.Ejja nsaħħulhom idejhom”.  Din is-sejħa saret waqt dibattitu fuq riżoluzzjoni dwar l-importanza tax-xandir pubbliku tajjeb, il-plulariżmu fil-media u l-ġurnaliżmu ndipendenti  kontra l-fake news, il-popoliżmu u d-diżinformazzjoni fl-Unjoni Ewropeja.

Dr. Agius qal li l-Parlament Ewropew se jagħti l-għodda b’liġijiet bħall- Media Freedom Act u Ligi Ewropea kontra l-Korruzzjoni. Huwa sejjaħ il-Kummissjoni Ewropea biex tuża l-għodda u ċċaqlaq il-gvernijiet, inkluż dak f’Malta.